Nouvelles

شرح مبسط للمسؤولية المدنية (بالدارجة)

شرح مبسط للمسؤولية المدنية (بالدارجة)

 شرح مبسط للمسؤولية المدنية (بالدارجة)


عموما المسؤولية المدنية فيها مسؤولية عقدية ومسؤولية تقصيرية هاد جوج الانواع ديال المسؤوليات كايشابهو من ناحية قيام يعني باش تكون عندنا وحدة من هاد المسؤوليات خص توفر اركان لي هي 

الخطأ ثم الضرر والعلاقة السببية بين الخطا والضرر يعني بسب داك الخطا وقع ضرر اي انه كن ما وقع داك الخطا مايوقعش الضرر

 

شنو الفرق بين المسؤولية العقدية او المسؤولية التقصيرية ؟ 

الفرق الاول : من حيث طبيعة العلاقة بين اطراف العلاقة القانونية يعني دوك الاشخاص لي معنين بالمسؤولية لي فيهم واحد رتاكب خطأ (المدين) او هاد الخطا سبب ضرر للغير لي هو الطرف التاني (الدائن) العلاقة بين هاد جوج في المسؤولية العقدية هي علاقة كايجمعها عقد هاد العقد اما يكون عقد مكتوب بحال عقد عمل او عقد وكالة الى اخره او غير مكتوب بحال مثلا شرااااء اشياء زهيدة الثمن لا تستدعي منا انشاء عقد نظرااا كون المعاملات التجارية تتطلب السرعة في التنفيد ايضا كي لايتم عرقلت تلك العملية فيضرر التاجر من الخسارة اللاحقة به نتجة التأخر في تنفيد العملية مثلا شخص قام بشراء نوع من الحلوى ملي كال ديك الحلوى اصيب بتسمم نظراا لإنتهاء صلاحيتها هنا مسؤولية عقدية حيت كاين دفع ثمن مقابل الحلوى يستحق المتضرر التعويض والمسؤول هنا هو البائع مسؤول مسؤولية عقدية لان هنا توفر لجميع اركان المسؤولية المدنية لي هي الخطأ المتمثل في بيع حلوى منتهية الصلاحية تم الضرر لي هو تسمم المشتري والعلاقة بين الخطأ والضرر يعني ان بيع تلك الحلوى المنتهية الصلاحية هي لي سبت التسمم ماشي شي مادة اخرى مثلا شخص خدا من عند بائع حلوى منتهية الصلاحية كالها او ماوقع ليه والو دازت واحد المدة زمنية معينة مثلا 12 ساعة او شرا واحد البسكوي سبب ليه تسسم فنا خصو يتابع الشخص لي باع ليه البسكوي ماشي مول الحلوى ايضا شخصا مثلا دخل القهوى او طلب شي اكلة سبت ليه ضرر مسؤولية عقدية او لا مثلا طالب مشا لمقصف الكلية يعني "لبيڤيت" خدا من عندهم عصير تا هي مسؤولية عقدية دائما وابدا فاش تكون عملية ديال تقديم اداء نقدي في مقابل خدمة كاتكون المسؤولية عقدية مثلا شخص دخل لواحد الملهى ليلي او ضربو الضو هنا كانشوفو واش السيد لي ضربو الضو دخل بمقابل مادي او دخل فابور الى دخل فابور راه مسؤولية تقصيرية مثال اخر واحد جوج اصدقاء ركبو فطوبيس واحد خلص تدكرة او لاخر مخلص يعني سالت فطوبيس ,وقعت حادتة سير او تصابو الاصدقاء بجوج بكسور فهنا المسؤولية مسؤولية عقدية من جهة الشخص لي خلص التدكرة او مسؤولية تقصيرية من جهة الشخص لي سالت رغم انه غير سالت كايستحق التعويض لكن تعويض ديالو ماشي بحال تعويض ديال الشخص لي مخلص غايكون تعويض ناقص شويا او تانيا غادي يخصو يتبت انه كان راكب فطوبيس اما من خلال تدكرة او من طبيعة الحال هو معندوش تدكرة او لا بشهادة الشهود او الكميرا الى كانت هاد جوج الاشخاص يمكن ليهم يتابعوا شيفور ديال طوبيس او لاشركة مثلا شركة الزا عندهم الاختيار لكن من الاحسن ليهم يتابعو الشركة لان الشركة عندها دمة مالية ماشي بحال شيفور يقدر مايكون عندو والو فالشركة كادفع التعويض او كاترجع على شيفور فلأخر هو يخلص لان الخطا وقع بسبابو


دائما الى وقع شي خطأ تسبب بضرر غايحاول الشخص يبرر هاد الخطأ باش يدفع المسؤولية عليه بتلاتة المسائل فكيقول فإما ان الخطأ وقع بسبب قوة قاهرة هاد القوة القاهرة مستحيلة الدفع يعني الشخص او لا حتى الدولة ماتقدرش تمنع ديك القوة القاهرة بحال الزلزال او لا الفيضان هدي قوة قاهرة يستحيل دفعها لكن خص الشخص يدير شي احتياطات كاتسمى احتياطات الرجل العاقل المتبصر يعني الشخص العادي الراشد يتمع بقوى عقلية عادية مثل كافة البشر مثلا هاد الشخص العاقل المتبصر خدام فشي شركة ديال سيما هاد شخص مكلف مثلا بتخزين اكياس الاسمنت داخل مخازن مخصص لدلك الغرض فالشخص مثلا عوض وضع الاكياس داخل المخزن يتم وضعها خارج المخزن لفترة من الزمن فتفسد أكياس الإسمنت بسبب الطبيعة اما بسبب مثلا الرطوبة او مطر او حريق الى اخره هنا الخطأ جسيم لايمكن دفع المسؤولية واعتبار الضرر وقغ بسبب قوة قاهرة لان القوة القاهرة يستحيل منعها من الوقوع بيد ان الشخص يمكن له من خلال ملكاته العقلية وبتفكير بسيط ان يدكر ان وضع اكياس الاسمنت في الخارج يعرضها للخطر فلا يمكن دفغ المسؤولية من خلال القوة القاهرة 

ايضا لدفع المسؤولية المدنية هنا امر تاني وهو الحادث الفجائي هاد الحادث الفجائي خصو يوقع بعد وضع كل ما من شأنه منع وقوع الضرر مثلا صاحب سيارة اجرة يجب عليه دائما مراقبة الحالة الميكانيكية لسيارة وايضا حالة العجلات عند وقوع ضرر متلا انفجار إيطار السيارة هذا حادث فجائي لكن يمكن اتخاد بعض الاحتياطات اللازمة لمنع وقوع الضرر كما قلت اما من خلال فحص العجلات او من خلال ضبط سرعة السيارة والحادث الفجائي عكس القوة القاهرة يستحيل دفعها 


ايضا المسألة التالثة لي يمكن من خلالها دفع المسؤولية هي خطأ المضرور مثلا شخص أتناء تواجده في الطائرة وعندما امرت المظيفة المسافرين بوضع احزمة السلامة لم يقم بوضع حزام السلامة ومع سرعة الطائرة وقوة الاندفاع اصطدم رأسه بكرسي الطائرة واصيب بضرر هنا من طبيعة الحال المسؤولية عقدية في حالة تم دفع ثمن التدكرة ويمكن لشركة الطيران ان تدفع مسؤوليتها انطلاقا من خطأ المضرور والدي لم يمتتل لأوامر مضيفة الطيران لكن عموما في كل الحالات يستحق المضرور التعويض 


من أمثلة ايضا المسؤولية العقدية الخطا الطبي الدي يحدثه طبيب في عيادة خاصة هدا الطبيب يجب ان يتلقى راتبه من المرضى وليس من الدولة او خلال اداءه لحملة طبية مجانية غير ان المريض يجب اتبات الخطا يمكن ان يكون اهمال او تهاون لان التزام الطبب هو التزام بعناية وليس بتحقيق نتيجة 


أيضا من صور المسؤولية العقدية الاخلال في تنفيد عقد او التأخر في تنفيد وهدا التأخر احدث ضرر او كثمان احد المتعاقدين على الاخر شيئا متعلق بمحل العقد تسبب في ضرر


اما في مايتعلق بالمسؤولية التقصيرية ما كايكونش حتى عقد يربط الطرفين الدائن والمدين علاش كانقولو دائن والمدين لان الدائن كايتسال حق اما حق عيني بحال شي حاحة ملموسة مثلا ساعة يدوية او حق شخصي كالإعتداء على شخص ما بالضرب ,الحق الشخصي يتمثل في جبر الضرر من خلال تعويض يؤديه المدين لدائن ,مثلا سيارة صدمت سيارة اخرى هذه مسؤولية تقصيرية 

مثلا شخص راكب فسيارة اجرة كان يهضر فتليفون مشافش سيارة قدامو ضربها اصيب سائق السيارة التانية بأضرار وايضا الشخص لي راكب فسيارة الاجرة هنا المسؤولية بين سائق سيارة الاجرة او سيارة التانية مسؤولية تقصيرية اما المسؤولية بين الراكب وصاحب سائق سيارة الاجرة مسؤولية عقدية 

السؤولية عن فعل الغير

كاين بعض الاشخاص مسؤولين على افعالهم الشخضية او مسؤولين على افعال الغير هاد الغير يمكن يكون طفل قاصر او مجنون 


الطفل القاصر لي مميز يسأل عن أفعاله الشخصية وايضا الولي ديالو تاهو مسؤول على الافعال ديالو اما طفل غير مميز لي سن تاعو تحت 12 سنة هدا لايسأل عن افعاله الاب ديالو هما المسؤولين عليه الى كان ساكن معاهم مثلا الى كان ساكن مع جدو يعني جدو لي مربيه جدو هو لي يسال عن افعاله مثلا طفل رتاكب ضرر في حق شخص ما هاد الطفل ساكن بشكل فعلي فدارهم مع والديه لكن داك نهار فاش رتاكب داك الفعل مشا عند جدو هنا والديه هما المسؤولين وخا كان عند جدو 


ايضا المجنون الى رتاكب شي ضرر لايسال عن فعل ديالو داك عندو رقابة على داك المجنون هو لي يسأل مسؤولية تقصيرية 


ايضا مسؤولية المتبوع عن اعمال التابع مثلا في حالة سائق حافلة دار حادث سير هاد الحادث سبب اضرار لركاب المسؤولية هنا يتحملها السائق بصفة شخصية كما تتحملها شركة النقل يمكن متابعة شركة النقل لانها مسؤولة عن اعمال المتبوع لان السائق تابع لشركة ايضا الموظف ديال كلية ابن زهر لي رتاكب خطا في ادراج اسم طالب في شهادة لاجازة او لا مثلا منحها لشخص اخر هنا الادارة تسأل عن خطا الموظف وهو ايضا يسأل شخصيا عن الخطأ لكن هاد الخطأ خصو يكون خطا جسيم ماشي بحال مثلا شخص دارو ليه الاسم الشخصي بلاصط الاسم العائلي فشي لائحة من لوائح النتائج هدا لايعتبر خطا جسيم 


ايضا مسؤولية المعلمين عن اخطاء تلاميذتهم فمثلا التلميد لي كايضرب صديقو او هاد ضرب احذث ضرر جسيم المعلم هو المسؤول الى كان داخل الفصل أما الى كان فالساحة المسؤول هو الحارس العام اما الى خرج من المدرسة او ضرب شي حد المسؤولية كتولي السؤولية على الوالي الشرعي اما المعلمين كايتحلو من المسؤولية ماتبقاش عليهم المسؤولية 


ايضا مسؤولية ارباب الحرف عن الاطفال القصر لي خدامين عندهم الى رتكاب شي خطأ المعلم ديالو هو ليتحمل المسؤولية لكن الى خرج من ديك الورشة او ضرب شي حد المسؤولية كاتكون على الوالي الشرعي الاب او الام في حالة موت الاب


المسؤولية عن الحيوان والأشياء اي شخص عندو حيوان مسؤول على ضرر لي كايتسبب فيه داك الحيوان يقدر يكون داك شخص غير مراقب فقط وليس صاحب الحيوان مثلا شي حد قاليك هاك حضي ليا هدا الكلب حتى نجي او داك الكلب عض شي حد فالوقت لي نتا حاضيه كاتحمل المسؤولية واخا الكلب ماشي ديالك او لا مثلا شخص خدا الكلب ديالو لطبيب بيطري كايولي الطبيب هو المسؤول في حالة هرب ليه او عض بل اكثر من دلك بعض الفقهاء كايقولو جتى الى عض ملاه الطبيب هو المسؤول 


اما الاشياء مثل المنازل الاهلة لسقوط فصاحب المبنى هو المسؤول عن الضرر لي كايصيب شخص نتيجة سقوط البناء

منقول

Comments
No comments
Post a Comment



    Reading Mode :
    Font Size
    +
    16
    -
    lines height
    +
    2
    -